الدروس
01:51:94 ساعة
20 الدروس
الغناء
عرب بسيطة و مراجعة تعريف العرب
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يشرح الأستاذ ريبال تفاصيل إخراج العرب و يعطي تمارين أخرى مهمة جدا للعرب.


ريبال خضري:


"مرحبا، أنا ريبال من إعزف دوت كوم.


اليوم الدرس راح نبتدي بهادا الكورس ناخد عرب من العرب البسيطه ياللي هي قابله إن تخلي الصوت مرن أكتر، حرجع أعيد، العربه هي أي تغيير أي تعديل نحنا بنضيفه على الصوت أو على اللحن اللي نحنا عم بنشتغله، ربما يكون هادا العربه هي العربه عباره عن تنفس، ربما تكون العربه هي عباره عن تغيير بالميلودي بشكل بسيط، ربما تكون العربه بتغيير بوزيسيون الصوت كيف يعني، يعني (يقرأ الأستاذ ريبال التمرين قراءة ايقاعية).


هادا اللحن الأساسي، هلأ أنا مش راح أعدل عليه بس أنا فيني أعمل (يقرأ الأستاذ ريبال التمرين قراءة ايقاعية)، عملت الترا بين فيك فويس أو الصوت (يقرأ الأستاذ ريبال التمرين قراءة ايقاعية).


وصلت التنين سوا و طلع عندي نمط جديد من العرب (يقرأ الأستاذ ريبال التمرين قراءة ايقاعية)، هادا النمط اللي أنا هلأ غيرت باللحن، كان لازم (يقرأ الأستاذ ريبال التمرين قراءة ايقاعية)، صار (يقرأ الأستاذ ريبال التمرين قراءة ايقاعية)، و مع هزه بالصوت، إختلاف العرب دائماً يختلف من المغني، من طبيعة مربى المغني، من طبيعة الجو ياللي عايشه أو اللي ربي فيه المغني، مشان هيك أنا طلابي دائماً أول ما ييجوا باخد منهم معلومات إن هنن من وين هنن وين ربيوا بحياتهن، لإن دائماً جو الجبل مختلف عن جو الصحرا مختلف عن جو المدينه مختلف عن الجو الحضري، دائماً الجو كتير إله تأثير بتشكيل الصوت و تشكيل طريقة الغناء، هلأ أنا لو بدي أعمل عربه على حرف الآ، بدل ما أقول (يقرأ الأستاذ ريبال التمرين قراءة ايقاعية).


راح أخليها كتير بطيئه و أبتدي اسرعها بزمن أسرع فأسرف فأسرع لحتى صوتي يتمرن، حقول (يقرأ الأستاذ ريبال التمرين قراءة ايقاعية)، بعدين بحركها شوي بالآخر، بهالطريقه ممكن إني أنا أسرعها أكتر، حاخد كمان على (يقرأ الأستاذ ريبال التمرين قراءة ايقاعية)، فيني حتى أخليها كلياتها نا (يقرأ الأستاذ ريبال التمرين قراءة ايقاعية).


ممكن تحسوا إن مش كتير زابط، بس شوي شوي عالتمرين راح تحسوا إن هو عم بيمسك أكتر النوتات بشكل أفضل، مش من أول مره ولا من تاني مره، ممكن ياخد معنا الموضوع وقت، ليه؟ لإن الحنجره عن بتتدرب على إشي كتير جديد هي منها متعوده تقوله (يقرأ الأستاذ ريبال التمرين قراءة ايقاعية)، خليها (يقرأ الأستاذ ريبال التمرين قراءة ايقاعية).


كتير مهم إني أحاول ببداية هادا التمرين إني ما أغير البوزيسيون و أنا عم بسرع، ليش؟ لإن راح يكون كتير أصعب علي، كيف يعني؟ يعني ما أغير المكان، يعني ما يكون (يقرأ الأستاذ ريبال التمرين قراءة ايقاعية)، لأ، أحاول أثبت المكان بحيث إن أنا أهزه هز، مش إني أخليه يكون ثابت، لأ (يقرأ الأستاذ ريبال التمرين قراءة ايقاعية)، و هكذا و دواليك بضل عم بسرع أكتر، هلأ في نقطه كتير مهمه إنو مشان ما حد يقول إن الموضوع متعلق بالمي أو متعلق بأسلوب التنفس، ممكن إني أنا أحياناً بتنفس غلط، بقوم أنا ما بقدر أقول هالعربه صح، أو مثلاً بكون مو نايم بشكل صح فممكن أنا ما عم بغني العربه ما تطلع معي بشكل صح.


دائماً بيسألوني إن ممكن أنا لما كون تعبان ما يطلع معي عرب، أو لما كون مثلاً صاحي من النوم دايركت ممكن ما تطلع معي عرب، هلأ هادا الكلام فيه جزء من الصحه، بس بنفس الوقت دائماً التدريب المتواصل بيخلي الصوت يكون دائماً قوي من أول لحظه أو من أول ما تفيق، كل ما يعني معيار لإلنا إن نحنا لما نفيق تنقدر نغني بشكل سليم، نقدر نكون أقرب ما نكون لغنائنا لبعد تلات أو أربع ساعات، هادا الإشي بيكون معيار كتير صح للعرب، العرب معيارها كتير صح بيكون صباحاً أكتر من مساءً لإن بتكون كتير واضحه، و برجع بذكر لو عرضنا شكل من أشكال الحنجره كيف هي عم بتتحرك، راح نلاحظ إن الحنجره هي عباره عن حبلين بيض.


هدول الحبلين في إلهن عضلات بسيطه بتحركهن، بنفس الوقت هنن عم بيتحركوا عن طريق كتله كامله من التنفس من عضلات المعده من عضلات الحنجره، فكل ما أنا قدرت أمرنها راح تكون قادره إنها تكون سريعه أكتر بالحركه، متل أي عضله من عضلات جسمي لما أنا بروح على الجيم، أول يوم راح تكون كتير صعب تاني يوم أقل تالت يوم أقل رابع يوم هيك لحديت ما بعد أكتر من شهر راح يكون موضوع أسهل، برجع بذكر آخر معلومه إني أنا الفوكاليز ما بينفعني، أنا أقول أنا بدي أعمل اليوم ساعه ولا ساعتين ولا نص ساعه، لأ، الفوكاليز هو دائماً تخيل إن إنت بتمرن عضله من عضلات جسمك متل لما إنتي تنزل على الجيم أو بتنزل على أي إكسرسايز سبورت، راح تلاحظ إن كتير غلط إن إنتي تعمل تمرين لفتره طويله لإن راح تتعب و بنفس الوقت ما راح تستفيد لما إنتي بتقول أنا بدي أروح عالجيم ست سات باليوم و ما أروح باقي الأسبوع، لأ، الصوت يبنى بشكل متواصل دائماً. 


شكراً."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!